Nouvelles de Jonas, février 2025
De la creation du monde jusques a la fondacion de Romme, selon Orose, eut quatre mille quatre cens quatre vingtz et quatre ans. Et de ladicte fondation jusques a la nativité NSJC VIIc XV ans. Et par ainsi du commencement du monde jusques a l’advenement JC furent acomplis cinq mille cent quatre vingtz dix neuf ans. Entre aultres regnes ont esté quatre les plus grans Babilonne en Orient, Cartage vers mydi, qui commensa au temps des juges d’Israel, Macedoyne en septentrion, qui commensa a Alexandrie environ le temps des Macabees et celuy des Rommains en Occident, qui commensa a Romule. Et les deulx du mylieu furent les moindres.